پاکستان پیپلزپارٹی کے چیئرمین بلاول بھٹو زرداری گلگت بلتستان میں پارٹی کی انتخابی مہم کے سلسلے میں اسکردو پہنچ گئے جہاں پارٹی رہنماؤں اور کارکنوں نے ان کا پرتپاک استقبال کیا۔
اسکردو آمد پر پاکستان پیپلزپارٹی پارلیمنٹرینز کے سیکرٹری جنرل نیئر بخاری، پیپلزپارٹی کے سیکرٹری جنرل ہمایوں خان، گلگت بلتستان کے گورنر سید مہدی شاہ، گورنر پنجاب سردار سلیم حیدر سمیت دیگر رہنماؤں نے بلاول بھٹو زرداری کا استقبال کیا۔ اس موقع پر پیپلزپارٹی کے مرکزی سیکرٹری اطلاعات ندیم افضل چن، نجم الدین خان اور دیگر پارٹی عہدیداران بھی موجود تھے۔
پارٹی ذرائع کے مطابق بلاول بھٹو زرداری آج ضلع شگر کی تحصیل گلاب پور میں ایک بڑے انتخابی جلسے سے خطاب کریں گے۔ اپنے دورہ گلگت بلتستان کے دوران وہ سکردو، چلاس، غذر اور گلگت میں بھی انتخابی جلسوں سے خطاب کریں گے اور پارٹی امیدواروں کی انتخابی مہم میں حصہ لیں گے۔