امریکی صدر ڈونلڈ ٹرمپ نے نیٹو اجلاس میں شرکت کے لیے انقرہ پہنچنے پر ترک صدر رجب طیب اردوان کے ہمراہ میڈیا سے گفتگو کرتے ہوئے نیٹو کی کارکردگی پر شدید مایوسی کا اظہار کیا ہے۔
انہوں نے واضح کیا کہ ایران کے خلاف جنگ میں امریکا کو کسی کے تعاون کی ضرورت نہیں تھی، جبکہ امریکا نے یورپ کے تحفظ کو یقینی بنانے کے لیے نیٹو میں اربوں ڈالرز کی سرمایہ کاری کی ہے۔
امریکی صدر نے عزم ظاہر کیا کہ ایران کو کسی بھی صورت جوہری ہتھیار حاصل نہیں کرنے دیے جائیں گے۔ ملاقات کے دوران دونوں رہنماؤں نے باہمی تعلقات کو مثبت قرار دیتے ہوئے مستقبل میں تجارت کے فروغ پر بات چیت کرنے کا عزم ظاہر کیا۔
اس موقع پر ترک صدر رجب طیب اردوان نے ایف 35 جنگی طیاروں کا معاملہ اٹھاتے ہوئے کہا کہ یہ ایک پرانا مسئلہ ہے جس پر امریکا سے پہلے بھی بات ہو چکی ہے اور ترکیہ سے 5 جیٹ طیاروں کا وعدہ کیا گیا ہے۔ اس سے قبل انقرہ آمد پر ترک صدر نے امریکی ہم منصب کا استقبال کیا۔