پاکستان شوبز انڈسٹری کی معروف میزبان اور اداکارہ ندا یاسر ایک بار پھر اپنے لباس کے باعث سوشل میڈیا پر توجہ کا مرکز بن گئی ہیں۔ مارننگ شو کی حالیہ قسط میں ندا یاسر نے سرخ رنگ کی الہٰ دین طرز کی شلوار کے ساتھ سفید ٹاپ اور پوائنٹڈ ہیلز پہنیں، جس کی تصاویر اور ویڈیوز سوشل میڈیا پر وائرل ہوگئیں۔
سوشل میڈیا صارفین کی جانب سے ان کے لباس پر مختلف آراء کا اظہار کیا جا رہا ہے جہاں بعض صارفین نے اسے غیر روایتی قرار دیا جبکہ کئی افراد نے اسے "اولڈ فیشن" کہتے ہوئے تنقید کا نشانہ بنایا۔
یاد رہے کہ اس سے قبل عید کے موقع پر بھی ندا یاسر اپنے منفرد لباس کے باعث سوشل میڈیا پر زیرِ بحث رہی تھیں۔ ندا یاسر اکثر اپنے اندازِ لباس اور مختلف بیانات کی وجہ سے بھی آن لائن توجہ حاصل کرتی رہتی ہیں۔