امریکی سینٹرل کمانڈ (سینٹ کام) نے اتوار کی شام ایران کے خلاف حملوں کا اعلان کیا ہے۔ اس کا کہنا تھا کہ ان حملوں کا مقصد آبنائے ہرمز پر جہاز رانی کی بحالی اور تجارتی جہازوں پر ایرانی حملوں کی صلاحیت کمزور کرنا ہے۔ ادھر ایران نے اپنی سرزمین پر امریکی حملوں کی تازہ لہر کی مذمت کرتے ہوئے کہا کہ ان حملوں نے گذشتہ مہینوں کی تمام سفارتی کوششوں کو ’ناکام بنا دیا‘ ہے۔
- سینٹ کام نے اتوار کی شام ایران کے خلاف حملوں کا اعلان کیا اور کہا کہ ان کا مقصد آبنائے ہرمز پر جہاز رانی کی بحالی اور تجارتی جہازوں پر ایرانی حملوں کی صلاحیت کمزور کرنا ہے
- اقوامِ متحدہ کے سیکریٹری جنرل انتونیو گوتیرس نے امریکہ اور ایران سے مطالبہ کیا ہے کہ وہ حالیہ جھڑپوں کا سلسلہ بند کریں اور ان کے خاتمے کے لیے مذاکرات دوبارہ شروع کریں
- ایرانی میڈیا کے مطابق جنوب میں سیریک کے قریب اور قشم و جاسک کے علاقوں میں کئی دھماکوں کی آوازیں سنی گئی ہیں
- ایران کے نائب وزیر خارجہ کاظم غریب آبادی نے کہا کہ ایرانی مسلح افواج سپریم نیشنل سکیورٹی کونسل اور ایرانی پارلیمان کے فیصلوں کے مطابق ان حملوں کا جواب دینے کی پابند ہیں
امریکہ کے ایران پر نئے حملے، تہران کا جوابی کارروائیوں کا اعلان: ’فوجی جارحیت میں مدد کرنے والے ممالک جائز اہداف ہوں گے‘
