خضدار کے علاقے ہڑنبو کراس کے قریب مسلح افراد کی جانب سے ایک ڈیزل سے بھری گاڑی کو آگ لگائے جانے کا واقعہ پیش آیا، جس کے بعد متاثرہ شہری نے حکومت اور متعلقہ اداروں سے انصاف اور نقصان کے ازالے کا مطالبہ کیا ہے۔
متاثرہ شہری کی جانب سے جاری کی گئی ویڈیو میں دعویٰ کیا گیا ہے کہ مسلح افراد نے اس کی ڈیزل سے بھری گاڑی چھیننے کے بعد اسے نذر آتش کردیا۔ شہری کے مطابق یہ گاڑی اس اور اس کے خاندان کے لیے روزگار کا واحد ذریعہ تھی، جس کے تباہ ہونے سے وہ شدید مالی مشکلات کا شکار ہوگیا ہے۔
متاثرہ شخص نے اپنی ویڈیو میں حکومت اور قانون نافذ کرنے والے اداروں سے اپیل کی کہ واقعے میں ملوث عناصر کے خلاف کارروائی کی جائے اور اسے ہونے والے مالی نقصان کا مناسب ازالہ کیا جائے۔