بحیرہ عرب اور خلیج بنگال سے آنے والی مون سون ہواؤں کے زیرِ اثر کراچی سمیت سندھ بھر میں بارشوں کا نیا سلسلہ 31 جولائی سے شروع ہونے کا امکان ہے۔
محکمہ موسمیات کے مطابق مون سون ہوائیں کل سے ملک کے بالائی اور وسطی علاقوں میں داخل ہوں گی، جبکہ 31 جولائی سے 2 اگست تک کراچی میں وقفے وقفے سے بارش متوقع ہے۔ اس دوران شہر میں تیز ہواؤں اور گرج چمک کے ساتھ بارش ہوگی، جبکہ چند مقامات پر موسلا دھار بارش بھی ہوسکتی ہے۔
محکمہ موسمیات نے پیش گوئی کی ہے کہ تھرپارکر، عمرکوٹ، میرپورخاص، بدین، سانگھڑ، ٹنڈو محمد خان، ٹنڈو اللہ یار، حیدرآباد، کراچی، مٹیاری، جامشورو، شہید بینظیر آباد، گھوٹکی، کشمور، جیکب آباد، شکارپور، سکھر، قمبر شہدادکوٹ، لاڑکانہ، خیرپور، نوشہروفیروز اور ٹھٹھہ میں بھی گرج چمک کے ساتھ بارش کا امکان ہے۔