کراچی سمیت ملک بھر کے بجلی صارفین کے لیے بجلی مزید مہنگی ہونے کا امکان ہے، کیونکہ نیشنل الیکٹرک پاور ریگولیٹری اتھارٹی (نیپرا) کل بجلی کی قیمت میں ایک روپے 20 پیسے فی یونٹ اضافے کی درخواست پر سماعت کرے گی۔
سنٹرل پاور پرچیزنگ ایجنسی (سی پی پی اے) نے جون 2026 کی ماہانہ فیول پرائس ایڈجسٹمنٹ کی مد میں بجلی مہنگی کرنے کی درخواست نیپرا میں جمع کرا رکھی ہے۔
حکومتی پالیسی گائیڈ لائنز کے تحت اگر درخواست منظور کر لی گئی تو اس اضافے کا اطلاق کے الیکٹرک سمیت ملک بھر کے متعلقہ بجلی صارفین پر ہوگا۔
واضح رہے کہ اس سے قبل مئی کی ماہانہ فیول ایڈجسٹمنٹ کے تحت بجلی کی قیمت میں 34 پیسے فی یونٹ اضافہ کیا گیا تھا، جس کا اطلاق جولائی کے بجلی کے بلوں میں کیا گیا۔