چونیاں میں زہریلا کھانا کھانے کے باعث ایک ہی خاندان کی دو بہنیں جاں بحق جبکہ ان کے والدین کی حالت تشویشناک ہو گئی۔
ریسکیو ذرائع کے مطابق اہلخانہ نے گھر میں تیار کیا گیا کھانا کھایا، جس کے کچھ ہی دیر بعد چاروں افراد کی طبیعت اچانک خراب ہو گئی۔ اطلاع ملنے پر ریسکیو ٹیموں نے متاثرین کو تشویشناک حالت میں لاہور کے اسپتال منتقل کیا۔
اسپتال میں زیرِ علاج 20 سالہ عمارہ اور 13 سالہ تحریم دورانِ علاج دم توڑ گئیں جبکہ ان کے والد محمود اور والدہ شاہدہ بی بی کی حالت بدستور تشویشناک بتائی جا رہی ہے اور وہ زیرِ علاج ہیں۔
ریسکیو حکام کے مطابق جاں بحق ہونے والی دونوں بہنوں کی میتیں ان کے آبائی گاؤں ارجن سنگھ منتقل کر دی گئی ہیں جبکہ واقعے کی وجوہات جاننے کے لیے مزید تحقیقات جاری ہیں۔