لاہور میں ہونے والی مون سون کی موسلا دھار بارشوں کے باعث بجلی کا ترسیلی نظام شدید متاثر ہوگیا۔ بارش کے نتیجے میں لیسکو کے 100 سے زائد فیڈرز فنی اور تکنیکی خرابیوں کا شکار ہو گئے، جس کے باعث شہر کے مختلف علاقوں میں بجلی کی فراہمی معطل ہوگئی۔
بجلی کی بندش سے شہریوں کو شدید مشکلات کا سامنا ہے جبکہ لیسکو کی تکنیکی ٹیمیں خرابیاں دور کرنے اور متاثرہ علاقوں میں بجلی کی جلد بحالی کے لیے کام کر رہی ہیں۔ حکام کے مطابق بارش کا سلسلہ جاری رہنے کی صورت میں بحالی کے کام میں مزید وقت لگ سکتا ہے۔