کویت کے وزیر خارجہ شیخ جراح جابر الاحمد الصباح نے منگل کو جنرل ہیڈکوارٹرز (جی ایچ کیو) راولپنڈی میں فیلڈ مارشل سید عاصم منیر، چیف آف آرمی اسٹاف و چیف آف ڈیفنس فورسز سے ملاقات کی۔
آئی ایس پی آر کے مطابق ملاقات میں باہمی دلچسپی کے امور، خطے کی مجموعی سیکیورٹی صورتحال اور پاکستان و کویت کے درمیان دوطرفہ تعاون کو مزید فروغ دینے کے اقدامات پر تفصیلی تبادلہ خیال کیا گیا۔
کویتی وزیر خارجہ نے خطے میں امن و استحکام کے لیے پاکستان کے تعمیری کردار، مستقل حمایت اور دونوں برادر ممالک کے درمیان گہرے برادرانہ تعلقات کو سراہا۔
اس موقع پر فیلڈ مارشل سید عاصم منیر نے کویت کے ساتھ پاکستان کے مضبوط تعلقات کے عزم کا اعادہ کرتے ہوئے کہا کہ دونوں ممالک علاقائی امن، استحکام اور مشترکہ خوشحالی کے لیے یکساں وژن رکھتے ہیں۔