خیبر پختونخوا کے ضلع اورکزئی میں مسافر کوچ کو پیش آنے والے حادثے میں دو خواتین سمیت 9 افراد زخمی ہوگئے۔ حادثہ ضلع اورکزئی کے علاقے گوئین میں اس وقت پیش آیا جب مسافر کوچ بے قابو ہو کر الٹ گئی۔
ریسکیو 1122 کے مطابق اطلاع ملتے ہی امدادی ٹیمیں جائے وقوعہ پر پہنچ گئیں اور زخمیوں کو فوری طبی امداد فراہم کرنے کے بعد ڈسٹرکٹ ہیڈ کوارٹر اسپتال منتقل کر دیا گیا۔
ریسکیو حکام کا کہنا ہے کہ حادثے میں زخمی ہونے والے تمام افراد کو علاج معالجے کی سہولت فراہم کی جا رہی ہے، جبکہ واقعے کی وجوہات جاننے کے لیے مزید کارروائی جاری ہے۔