حکومت نے پیٹرولیم مصنوعات کی قیمتوں میں کمی کا اعلان کر دیا ہے۔ پیٹرولیم ڈویژن کی جانب سے جاری نوٹیفکیشن کے مطابق پیٹرول کی قیمت میں 4 روپے 8 پیسے فی لیٹر کمی کی گئی ہے، جس کے بعد نئی قیمت 331 روپے 95 پیسے فی لیٹر مقرر کر دی گئی ہے۔

اعلامیے کے مطابق ہائی اسپیڈ ڈیزل بھی 2 روپے 45 پیسے فی لیٹر سستا کر دیا گیا ہے، جس کے بعد ڈیزل کی نئی قیمت 389 روپے 93 پیسے فی لیٹر ہو گئی ہے۔نئی قیمتوں کا اطلاق 4 اگست سے کر دیا گیا ہے۔

مٹی کا تیل بھی سستا، اوگرا نے نئی قیمتوں کا نوٹیفکیشن جاری کر دیا

نوٹیفکیشن کے مطابق مٹی کے تیل کی قیمت میں 3 روپے 58 پیسے فی لیٹر کمی کی گئی ہے، جس کے بعد اس کی نئی قیمت 301 روپے 64 پیسے فی لیٹر مقرر کر دی گئی ہے۔ اس سے قبل مٹی کا تیل 305 روپے 22 پیسے فی لیٹر فروخت ہو رہا تھا۔