سیکیورٹی فورسز نے آپریشن عزمِ استحکام کے تحت خیبرپختونخوا کے ضلع لکی مروت میں انٹیلی جنس کی بنیاد پر کامیاب کارروائی کرتے ہوئے خوارج کے متعدد ٹھکانے تباہ کردیے، جبکہ کئی دہشت گرد ہلاک ہو گئے۔
سیکیورٹی ذرائع کے مطابق کارروائی کے دوران دہشت گردوں کے زیرِ استعمال مختلف ٹھکانوں کو نشانہ بنایا گیا، جہاں سے بھاری مقدار میں اسلحہ، گولہ بارود اور دیگر جنگی سامان بھی برآمد کیا گیا۔
ذرائع کا کہنا ہے کہ علاقے میں سرچ اور کلیئرنس آپریشن جاری ہے تاکہ ممکنہ طور پر چھپے ہوئے دہشت گردوں کا مکمل خاتمہ یقینی بنایا جا سکے۔ سیکیورٹی فورسز ملک میں امن و امان کے قیام اور دہشت گردی کے مکمل خاتمے کے لیے اپنی کارروائیاں جاری رکھے ہوئے ہیں۔