راولپنڈی میں گزشتہ روز بارش کے دوران برساتی نالے میں بہہ جانے والے 6 سالہ حسنین کی لاش ریسکیو ٹیموں نے نکال لی۔
ریسکیو ذرائع کے مطابق حسنین اپنے گھر کے قریب کھیل رہا تھا کہ اس دوران پاؤں پھسلنے سے برساتی نالے میں جا گرا اور تیز بہاؤ کے باعث بہہ گیا۔ واقعے کے بعد ریسکیو اہلکاروں نے سرچ آپریشن شروع کیا، جس کے بعد بچے کی لاش نالے سے نکال لی گئی۔
واضح رہے کہ راولپنڈی میں رواں سال برساتی نالوں میں ڈوب کر بچوں کی جان جانے کا یہ چوتھا واقعہ ہے، جس پر شہریوں نے حفاظتی اقدامات مزید مؤثر بنانے کا مطالبہ کیا ہے۔