اسلام آباد ہائی کورٹ نے اسلام آباد جوڈیشل سروس کے ضلعی ججز اور گریڈ 17 سے گریڈ 22 تک کے افسران کے لیے ٹرانسپورٹ مونیٹائزیشن الاؤنس میں اضافے کا باقاعدہ نوٹیفکیشن جاری کردیا۔
رجسٹرار اسلام آباد ہائی کورٹ یار محمد ولانہ کی جانب سے جاری نوٹیفکیشن کے مطابق گریڈ 22 کے افسران کے لیے ماہانہ ٹرانسپورٹ مونیٹائزیشن الاؤنس 2 لاکھ 50 ہزار روپے مقرر کیا گیا ہے، جبکہ گریڈ 21 کے لیے ایک لاکھ 95 ہزار، گریڈ 20 کے لیے ایک لاکھ 75 ہزار، گریڈ 19 کے لیے ایک لاکھ 50 ہزار، گریڈ 18 کے لیے ایک لاکھ اور گریڈ 17 کے افسران کے لیے 60 ہزار روپے ماہانہ مقرر کیے گئے ہیں۔
نوٹیفکیشن میں کہا گیا ہے کہ نئے الاؤنسز کا اطلاق یکم جولائی 2026 سے ہوگا، جبکہ اس مد میں آنے والے تمام اخراجات اسلام آباد ہائی کورٹ اور ڈسٹرکٹ جوڈیشری کے مالی سال 2026-27 کے منظور شدہ بجٹ سے پورے کیے جائیں گے۔