لاہور کے علاقے ڈیفنس میں واقع نجی یونیورسٹی کے ہاسٹل سے 18 سالہ طالب علم کی لاش برآمد ہوئی ہے۔
پولیس کے مطابق متوفی کی شناخت قصور کے رہائشی اریب کے نام سے ہوئی ہے۔ ابتدائی معلومات کے مطابق ناشتے کے وقت اچانک ان کی طبیعت خراب ہوئی، جس کے بعد وہ جانبر نہ ہوسکے۔
پولیس کا کہنا ہے کہ طالب علم کی موت کی اصل وجہ فوری طور پر معلوم نہیں ہو سکی۔ لاش کو ضروری قانونی کارروائی اور پوسٹ مارٹم کے لیے منتقل کر دیا گیا ہے، جبکہ موت کی حتمی وجہ کا تعین پوسٹ مارٹم رپورٹ موصول ہونے کے بعد کیا جائے گا۔
پولیس نے واقعے کی مختلف پہلوؤں سے تحقیقات کا آغاز کردیا ہے۔