خیبر پختونخوا کے ضلع لکی مروت کے مختلف علاقوں سے تین نامعلوم افراد کی لاشیں برآمد ہوئی ہیں، جنہیں پولیس نے تحویل میں لے کر قانونی کارروائی شروع کردی۔
پولیس کے مطابق دو لاشیں ملنگ اڈہ کے قریب سے جبکہ کئی روز پرانی ایک لاش تھانہ غزنی خیل کی حدود میں واقع عصمت آباد سے ملی۔ تینوں لاشوں کو شناخت اور پوسٹ مارٹم سمیت دیگر قانونی کارروائی کے لیے اسپتال منتقل کر دیا گیا ہے۔
پولیس حکام کا کہنا ہے کہ ابتدائی تحقیقات سے معلوم ہوا ہے کہ تینوں افراد کو فائرنگ کر کے قتل کیا گیا، تاہم ان کی شناخت اور قتل کے محرکات جاننے کے لیے تحقیقات جاری ہیں۔