دفتر خارجہ کے ترجمان طاہر حسن اندرابی نے ہفتہ وار پریس بریفنگ دیتے ہوئے بتایا کہ 7 اگست کو ہونے والی مکہ سمٹ انتہائی اہمیت کی حامل رہی، جس میں پاکستان نے کلیدی کردار ادا کیا۔ انہوں نے واضح کیا کہ مکہ معاہدہ تینوں ممالک کے برادرانہ تعلقات میں ایک اہم پیشرفت ہے اور یہ خالصتاً دفاعی نوعیت کا ہے جو علاقائی امن و استحکام کے لیے تینوں ممالک کے عزم کی عکاسی کرتا ہے۔
ترجمان کے مطابق معاہدے میں یہ بات بالکل واضح ہے کہ کسی ایک ملک پر حملہ تمام فریقین پر حملہ تصور ہوگا، تاہم یہ معاہدہ امن و سلامتی کے حوالے سے محض تین ممالک تک محدود نہیں ہے اور اس کے تحت خطے اور اس سے باہر بھی اجتماعی سلامتی کو یقینی بنانے کے لیے کوششیں جاری رکھی جائیں گی۔