راولپنڈی کی انسداد دہشت گردی عدالت نے 26 نومبر کے احتجاج سے متعلق مقدمے میں بانی پی ٹی آئی کی ہمشیرہ علیمہ خانم کی جانب سے پیش کردہ ویڈیوز کے بین الاقوامی فرانزک کرانے کی درخواست مسترد کر دی۔
انسداد دہشت گردی عدالت راولپنڈی کے جج امجد علی شاہ نے محفوظ فیصلہ سناتے ہوئے اسپیشل پراسیکیوٹر ظہیر شاہ کے اعتراضات کو درست قرار دے دیا۔
عدالت نے قرار دیا کہ ملزمہ کے گواہ فتح اللہ برکی کی جانب سے پیش کی گئی یو ایس بی میں موجود ویڈیوز مقدمے سے غیر متعلقہ ہیں، لہٰذا ان کے بین الاقوامی فرانزک کی استدعا منظور نہیں کی جاسکتی۔
عدالت کے فیصلے کے بعد کیس کی کارروائی معمول کے مطابق جاری رہے گی۔