حج ڈیجیٹل پورٹل کے ذریعے عازمینِ حج کے واجبات کی پہلی قسط کی ادائیگی کا سلسلہ شروع ہوگیا ہے، جس کے تحت 13 ہزار 260 عازمینِ حج مجموعی طور پر 8 ارب 70 کروڑ 30 لاکھ روپے سے زائد رقم جمع کرا چکے ہیں۔
عازمینِ حج کو واجبات کی ادائیگی کے لیے ون لنک PSID، بینک کارڈ اور مینول بینک چالان سمیت مختلف سہولیات فراہم کی گئی ہیں۔ اعداد و شمار کے مطابق بینک کارڈ کے ذریعے 2 ہزار 6 آن لائن ٹرانزیکشنز جبکہ ون لنک PSID کے ذریعے 4 ہزار 615 ٹرانزیکشنز مکمل ہوچکی ہیں۔
اسی طرح 6 ہزار 761 عازمینِ حج نے ڈیجیٹل چالان کے ذریعے حبیب بینک میں اپنی رقوم جمع کرائی ہیں۔
حکام کے مطابق شارٹ حج اسکیم کے تحت 7 ہزار عازمینِ حج کی واجبات کی ادائیگی کا عمل بھی مکمل ہوچکا ہے، جبکہ دیگر عازمین کی جانب سے بھی ادائیگیوں کا سلسلہ جاری ہے۔