پاکستان پیپلز پارٹی کے چیئرمین بلاول بھٹو زرداری وفد کے ہمراہ اپوزیشن چیمبر پہنچ گئے، جہاں انہوں نے اپوزیشن لیڈر محمود خان اچکزئی اور دیگر رہنماؤں سے اہم ملاقات کی۔
بلاول بھٹو زرداری کے ہمراہ شیری رحمان، نوید قمر، راجہ پرویز اشرف اور ندیم افضل چن بھی موجود تھے۔ اپوزیشن چیمبر پہنچنے پر محمود خان اچکزئی اور راجہ ناصر عباس نے پیپلز پارٹی کے وفد کا استقبال کیا۔
ملاقات میں ملکی سیاسی صورتحال، پارلیمانی امور اور اپوزیشن جماعتوں کے درمیان باہمی تعاون سمیت اہم سیاسی معاملات پر تبادلہ خیال کیا گیا۔
ذرائع کے مطابق ملاقات میں آئندہ کی سیاسی حکمت عملی اور پارلیمنٹ میں اپوزیشن کے کردار کو مزید مؤثر بنانے کے امور بھی زیر غور آئے۔