نیپال کے ضلع راسووا میں سیلابی ریلے کے باعث ہلاکتوں کی تعداد 162 ہوگئی جبکہ 579 سیاح تاحال لاپتا ہیں۔نیپالی حکام کے مطابق لاپتا افراد میں 400 سے زائد غیر ملکی شہری شامل ہیں، جن میں بھارتی، امریکی، آسٹریلوی، برطانوی، کینیڈین، ملائیشین اور یوکرینی شہری بھی شامل ہیں۔ متاثرہ علاقوں میں لاپتا افراد کی تلاش اور امدادی کارروائیاں جاری ہیں۔
دوسری جانب چینی سرکاری میڈیا کے مطابق تبت کے علاقے گیرونگ میں لینڈ سلائیڈنگ کے بعد 558 افراد لاپتا ہیں جن میں 260 غیر ملکی شامل ہیں، جبکہ 3 افراد ہلاک ہوئے ہیں۔
سیلاب اور مٹی کے تودوں سے سرحدی علاقوں میں گھروں، سڑکوں اور بجلی کے منصوبوں کو بھی شدید نقصان پہنچا ہے۔