امریکی ریاست فلوریڈا کی پام بیچ کاؤنٹی میں نجی طیارہ گرنے سے زوردار دھماکا ہوا اور جائے وقوعہ پر آگ بھڑک اٹھی۔ امریکی میڈیا کے مطابق حادثے میں متعدد افراد ہلاک ہوئے ہیں، تاہم ہلاکتوں کی حتمی تعداد تاحال سامنے نہیں آسکی۔
رپورٹس کے مطابق طیارے نے ٹیکساس کے آسٹن ایئرپورٹ سے بہاماس کے لیے اڑان بھری تھی، تاہم 8 ہزار فٹ کی بلندی پر اچانک رخ تبدیل کرنے کے بعد زمین پر گر کر تباہ ہوگیا۔ طیارہ امریکی صدر ڈونلڈ ٹرمپ کی رہائش گاہ مار اے لاگو سے تقریباً 7 میل دور گرا۔
حادثے کے دوران طیارہ درخت سے ٹکرایا اور بجلی کی تاریں بھی گر گئیں۔ پام بیچ کاؤنٹی فائر ریسکیو نے واقعے کو بڑے جانی نقصان کا حادثہ قرار دیا ہے، جبکہ امدادی کارروائیاں جاری ہیں۔