بنگلادیش کے وزیرِ خارجہ خلیل الرحمٰن نے کہا ہے کہ اگر مکہ معاہدے کے رکن ممالک کی جانب سے شمولیت کی باضابطہ دعوت ملی تو بنگلادیش اس پر مثبت انداز میں غور کرے گا۔
پارلیمنٹ میں اظہارِ خیال کرتے ہوئے ان کا کہنا تھا کہ بنگلادیش مکہ معاہدے کو مثبت نظر سے دیکھتا ہے، تاہم اس میں شمولیت کا حتمی فیصلہ رکن ممالک کی خواہش اور دعوت سے مشروط ہے۔
انہوں نے وضاحت کی کہ مکہ معاہدہ مسلم دنیا کے دفاع کا ایک باہمی طریقہ کار ہے اور یہ تمام مسلم ممالک کا نجی و باہمی معاملہ ہے، اس لیے اس پر کسی بھی غیر متعلقہ فریق کو تشویش میں مبتلا ہونے کی ضرورت نہیں۔
ان کے مطابق مکہ معاہدے میں مزید مسلم ممالک کی شمولیت عالمی مسلم برادری کے اجتماعی دفاع اور سلامتی کے لیے ایک انتہائی اہم اور مؤثر اقدام ثابت ہوسکتی ہے۔