نیپال میں تباہ کن سیلاب کی وجہ سے بنیادی ڈھانچے کو شدید نقصان پہنچا ہے اور 450 سے زائد افراد جان کی بازی ہار چکے ہیں، جبکہ چین اور نیپال کے سرحدی علاقے سے 1500 سے زائد افراد لاپتا ہیں۔
اس انسانی المیے کے دوران سوشل میڈیا پر ایک انتہائی افسوسناک ویڈیو وائرل ہوئی، جس میں دیکھا جا سکتا ہے کہ دریا کے کنارے دو افراد نے ڈنڈے کی مدد سے پانی میں تیرتی ہوئی ایک خاتون کی لاش کو روکا اور اس کے کانوں میں موجود سونے کی بالیاں اتار لیں۔
اس دل دہلا دینے والے واقعے کی ویڈیو سامنے آنے پر پولیس نے فوری کارروائی کرتے ہوئے دونوں ملزمان کو گرفتار کرلیا ہے۔