امیر جماعت اسلامی پاکستان حافظ نعیم الرحمان نے لاہور میں پریس کانفرنس کرتے ہوئے کہا ہے کہ پنجاب حکومت کے اقدامات حقیقی کے بجائے محض نمائشی ہیں جبکہ ملک کے ہر شعبے میں کرپشن کا راج ہے۔
انہوں نے کہا کہ ٹیکسوں کی بھرمار سے غریب اور تنخواہ دار طبقہ شدید متاثر ہو رہا ہے کیونکہ انکم ٹیکس کا سارا بوجھ صرف ملازمت پیشہ افراد پر ڈالا جا رہا ہے۔
حافظ نعیم الرحمان کا مزید کہنا تھا کہ ملک میں امن و امان کی صورتحال بگڑ رہی ہے، دہشت گردی کے واقعات بڑھ رہے ہیں اور مایوسی کے باعث نوجوان ملک چھوڑ کر جا رہے ہیں۔
انہوں نے انتظامیہ کو خبردار کیا کہ راولپنڈی کے لیاقت باغ میں جلسے کی اجازت نہ دی گئی تو اسلام آباد اور راولپنڈی کی سڑکوں پر دھرنا دیا جائے گا، اور کسی بھی ناخوشگوار صورتحال کی ذمہ دار انتظامیہ ہوگی۔