کراچی کے علاقے ابراہیم حیدری سے دل دہلا دینے والا واقعہ سامنے آیا ہے، جہاں مبینہ طور پر شوہر نے اپنی بیوی پر تیزاب پھینک کر اسے جھلسا دیا۔ زخمی خاتون کو علاج کے لیے سول اسپتال کے برنس وارڈ منتقل کردیا گیا ہے۔
معلوم ہوا ہے کہ نسیمہ جس کی عمر 19 سال ہے اور اس کی محض ایک سال قبل ہی ذیشان سے محبت کی شادی ہوئی تھی۔ تاہم گھریلو ناچاقیوں اور روزمرہ کے جھگڑوں کے سبب شوہر نے انتہائی اقدام اٹھا دیا۔
واقعے کی اطلاع ملتے ہی پولیس نے ملزم ذیشان کی والدہ اور بہن کو حراست میں لے کر تھانے منتقل کردیا ہے جہاں ان سے تفتیش جاری ہے۔
پولیس مرکزی ملزم ذیشان کی گرفتاری کے لیے چھاپے مار رہی ہے۔