سکھر میں میڈیا سے گفتگو کرتے ہوئے جمعیت علماء اسلام (جے یو آئی) کے سربراہ مولانا فضل الرحمان نے ملکی صورتحال پر گہری تشویش کا اظہار کرتے ہوئے کہا ہے کہ ملک اس وقت شدید معاشی ابتری کا شکار ہے، جبکہ بنا کسی تیاری اور مناسب موقع کے صوبوں کے حوالے سے گفتگو کی جا رہی ہے۔
آئینی ترمیم کے حوالے سے بات کرتے ہوئے انہوں نے واضح کیا کہ انہوں نے 26ویں آئینی ترمیم کی حمایت نہیں کی تھی، تاہم 28ویں ترمیم میں ان کی جماعت کی جانب سے پیش کردہ 6 تجاویز کو شامل کیا گیا تھا۔