وفاقی وزیرِ داخلہ محسن نقوی نے لندن میں صدر مملکت آصف علی زرداری سے ملاقات کی، جو تقریباً ایک گھنٹے تک جاری رہی۔
ون آن ون گفتگو کے دوران محسن نقوی نے صدر مملکت کو ایک اہم پیغام پہنچایا اور ملکی صورتِ حال پر تبادلہ خیال کیا۔
ملاقات میں بالخصوص نئے صوبوں سے متعلق جاری بحث اور دیگر اہم قومی امور زیرِ بحث آئے۔
اس موقع پر صدر آصف علی زرداری نے نئے صوبوں کی تشکیل کی بحث میں اپنے موقف پر قائم رہنے کا اعادہ کیا۔
انہوں نے زور دیا کہ ملک کو درپیش چیلنجز سے نمٹنے اور قومی مفاد کی خاطر تمام سیاسی و دیگر فریقین کو باہمی مشاورت سے مل کر آگے بڑھنا ہوگا۔