وفاقی وزارت خزانہ کے مشیر خرم شہزاد کے مطابق وزیراعظم اپنا گھر اسکیم کے تحت گزشتہ دو ماہ کے دوران منظور شدہ ہاؤسنگ فنانسنگ میں 117 فیصد اضافہ ہوا ہے، جس کے بعد کل ہاؤس فنانسنگ 313 ارب روپے سے تجاوز کرگئی ہے۔
جون 2026 سے اب تک اسکیم کے تحت 53 ہزار 100 سے زائد قرضے منظور کیے جاچکے ہیں، جب کہ اس عرصے کے دوران جاری کیے گئے قرضوں میں 83 فیصد اضافے کے ساتھ 8 ہزار 700 سے زائد افراد کو 45 ارب روپے سے زائد کی رقم فراہم کی گئی ہے۔
خرم شہزاد کا کہنا ہے کہ اس اسکیم سے نہ صرف شہریوں کو اپنے گھر میسر آ رہے ہیں بلکہ سیمنٹ، اسٹیل اور دیگر تعمیراتی سامان کی طلب بڑھنے سے تعمیراتی شعبے کو بھی فروغ مل رہا ہے۔
انہوں نے مزید بتایا کہ ملک میں اس وقت 1 کروڑ سے 1 کروڑ 20 لاکھ گھروں کی کمی کا تخمینہ ہے، جبکہ سالانہ بنیادوں پر مزید 3 لاکھ 50 ہزار سے 4 لاکھ نئے گھروں کی ضرورت پیش آتی ہے۔