اسرائیلی وزیراعظم بنیامن نیتن یاہو نے ایک ٹی وی انٹرویو کے دوران دعویٰ کیا ہے کہ اسرائیل ایران کی موجودہ حکومت کو گرانے کے لیے متحرک ہے اور ان کی ہدایت پر تمام متعلقہ ادارے اس مقصد کے لیے کام کر رہے ہیں۔
انہوں نے مزید کہا کہ اسرائیلی پائلٹس کسی بھی وقت ایران میں کارروائی کرنے کی صلاحیت رکھتے ہیں اور وہاں پہنچ سکتے ہیں۔
دوسری جانب غزہ کے حوالے سے بات کرتے ہوئے نیتن یاہو کا کہنا تھا کہ اسرائیل اس وقت غزہ کے 60 فیصد علاقے پر کنٹرول حاصل کرچکا ہے، جبکہ ان کی جنگی مہم کا بنیادی مقصد حماس کو مکمل طور پر غیر مسلح اور غیر عسکری بنانا ہے۔