کراچی کے علاقے محمود آباد کے نجی اسپتال میں دورانِ ڈیلیوری نومولود گلے پر تیز دھار آلے کا زخم لگنے سے جاں بحق ہوگیا۔
ورثا کے مطابق اسپتال عملے نے ڈیلیوری کے آدھے گھنٹے بعد بچے کو مردہ پیدا ہونے کی اطلاع دی، تاہم بعد میں بچے کی گردن پر تیز دھار آلے کا نشان اور خون بہتا ہوا دیکھا گیا۔
بچے کے تایا اشرف نے کہا کہ اہلخانہ قانونی کارروائی یا پوسٹ مارٹم نہیں چاہتے تاہم ایسے اسپتالوں کے خلاف کارروائی ہونی چاہیے۔ پولیس نے نومولود کی لاش قانونی کارروائی کے لیے جناح اسپتال منتقل کردی۔