پاکستان میں 9 مئی کے واقعات اور جلاؤ گھیراؤ میں مبینہ طور پر ملوث ملزمان کے خلاف کارروائیاں مزید سخت کردی گئی ہیں۔
ذرائع کے مطابق سہیل آفریدی، مینا خان آفریدی، شاہد خٹک اور شفیع جان کے وارنٹ گرفتاری جاری کردیے گئے ہیں۔
ذرائع کا کہنا ہے کہ متعلقہ مقدمات میں نامزد افراد کے خلاف قانونی کارروائی جاری ہے، جبکہ وارنٹ گرفتاری جاری ہونے کے بعد پولیس کو ملزمان کی گرفتاری کے لیے اقدامات کرنے کی ہدایت کی گئی ہے۔
حکام کے مطابق 9 مئی کے واقعات اور جلاؤ گھیراؤ میں ملوث افراد کے خلاف قانون کے مطابق کارروائی کا سلسلہ جاری رکھا جائے گا۔