وفاقی دارالحکومت میں امن و امان کی صورتحال قابو میں رکھنے اور ممکنہ احتجاج کے پیش نظر پنجاب پولیس نے سیکیورٹی تیاریاں مکمل کرلیں۔
پولیس ذرائع کے مطابق امن و امان برقرار رکھنے کیلیے پنجاب پولیس کے 45 ہزار سے زائد افسران و اہلکار مختلف مقامات پر ڈیوٹیاں سرانجام دیں گے۔
ذرائع کا کہنا ہے کہ 27 ستمبر کو سیاسی جماعت کی جانب سے دی گئی لانگ مارچ کی کال کو مدنظر رکھتے ہوئے سیکیورٹی پلان مرتب کیا جائے گا، جبکہ اہم داخلی و خارجی راستوں سمیت حساس مقامات پر اضافی نفری تعینات کی جائے گی۔
سیکیورٹی پلان کے تحت اٹک میں 8 ڈی آئی جیز، 15 ایس ایس پیز سمیت تقریباً 30 ہزار افسران و اہلکار امن و امان کی ڈیوٹی انجام دیں گے۔
پنجاب پولیس کی جانب سے ممکنہ صورتحال سے نمٹنے کیلیے نفری، وسائل اور سیکیورٹی انتظامات کو حتمی شکل دی جا رہی ہے۔