ضلعی انتظامیہ نے واضح کیا ہے کہ راولپنڈی میں کل تمام تعلیمی ادارے معمول کے مطابق کھلے رہیں گے اور چھٹیوں سے متعلق کوئی فیصلہ نہیں کیا گیا۔
ضلعی انتظامیہ کے مطابق شہر میں فی الحال کسی بھی شاہراہ کو بند نہیں کیا گیا، جبکہ راولپنڈی اور اسلام آباد کو ملانے والی رابطہ سڑکیں اور دیگر علاقوں سے منسلک راستے بھی کھلے رہیں گے۔
انتظامیہ کا کہنا ہے کہ انٹراسٹی اور بین الاضلاعی پبلک ٹرانسپورٹ بھی معمول کے مطابق بحال رہے گی۔
ضلعی انتظامیہ کے مطابق امن و امان کی صورتحال کا مسلسل جائزہ لیا جا رہا ہے، صورتحال میں کسی بھی تبدیلی یا کسی نئے فیصلے کی صورت میں عوام کو بروقت آگاہ کیا جائے گا۔