چینی صدر شی جن پنگ کے امریکا پہنچنے پر ہونے والی شاندار استقبالی تقریب کی ایک ویڈیو سوشل میڈیا پر تیزی سے وائرل ہورہی ہے، جس میں امریکی صدر ڈونلڈ ٹرمپ اور شی جن پنگ کا جنگی طیاروں کی پرواز کے دوران مختلف ردعمل توجہ کا مرکز بن گیا۔
ویڈیو میں دیکھا جاسکتا ہے کہ جوائنٹ بیس اینڈریوز میں شی جن پنگ کے استقبال کے دوران امریکی جنگی طیارے فضا سے گزرے تو ان کی گونج دار آواز پر ٹرمپ ایک لمحے کے لیے آنکھیں بند کرتے اور قدرے جھکتے نظر آئے۔ دوسری جانب شی جن پنگ اسی دوران نسبتاً پُرسکون کھڑے رہے اور ان کے چہرے پر کوئی نمایاں ردعمل دکھائی نہیں دیا۔
یہ فضائی مظاہرہ شی جن پنگ کے استقبال کے لیے منعقد کی گئی باقاعدہ تقریب کا حصہ تھا، جس میں امریکی فضائیہ کے بی ون بمبار طیاروں سمیت دیگر جنگی طیاروں نے فلائی اوور کیا۔ ٹرمپ اور شی جن پنگ تقریب کے دوران ایک ساتھ کھڑے تھے جب طیارے ان کے اوپر سے گزرے۔
دونوں رہنماؤں کے اس مختصر مگر مختلف ردعمل کو کیمرے نے محفوظ کرلیا، جس کے بعد ویڈیو سوشل میڈیا پر صارفین کی توجہ حاصل کرنے لگی۔