عالمی منڈی میں خام تیل کی قیمتوں میں ایک بار پھر شدید اضافہ ریکارڈ کیا گیا ہے، جس کے بعد برینٹ خام تیل کی قیمت 100 ڈالر فی بیرل کی سطح عبور کرگئی ہے۔
تجارتی عمل کے دوران عالمی مارکیٹ میں برینٹ خام تیل کی فی بیرل قیمت بڑھ کر 105.84 ڈالر تک پہنچ گئی ہے، جبکہ دوسری جانب امریکی خام تیل (ڈبلیو ٹی آئی) کی قیمت بھی مسلسل اضافے کے بعد 94.67 ڈالر فی بیرل پر دیکھی گئی ہے۔
عالمی منڈی میں قیمتوں کے اس اچانک اور نمایاں اضافے کی وجہ سے بین الاقوامی سطح پر پیٹرولیم مصنوعات کی سپلائی اور شرح نمو پر گہرے اثرات مرتب ہونے کی توقع ظاہر کی جا رہی ہے۔