ایرانی وزیر خارجہ عباس عراقچی نے کہا ہے کہ ایران کے موقف میں کوئی تبدیلی نہیں آئی آبنائے ہرمز کھولنے کے لیے ایران کی شرائط واضح ہیں۔
عباس عراقچی کا کہنا تھا کہ ایران سے متعلق مختلف باتیں منسوب کرکے دعوے کیے جا رہے ہیں اور اس حوالے سے پروپیگنڈا شروع ہوگیا ہے تاہم دیگر معاملات پر بھی ایران کا موقف واضح ہے اور کسی لچک کی بات نہیں ہوئی۔
انہوں نے کہا کہ اس وقت موضوع صرف آبنائے ہرمز ہے اور اسے کھولنے کا فیصلہ ایران کی جانب سے اعلان کردہ شرائط کی تکمیل سے مشروط ہے۔
ایرانی وزیر خارجہ نے جوہری معاملے پر ایران کی جانب سے لچک دکھانے کی خبروں کو مسترد کرتے ہوئے کہا کہ یہ بات بالکل غلط ہے اور وہ اس کی سختی سے تردید کرتے ہیں۔