ریاض کے کنگ خالد انٹرنیشنل ایئرپورٹ کی بندش میں مزید 24 گھنٹے کی توسیع کردی گئی جبکہ سیکیورٹی خدشات کے باعث متعدد بین الاقوامی ایئرلائنز نے ریاض کے لیے پروازیں معطل کردیں۔
ایوی ایشن ذرائع کے مطابق پاکستان کے مختلف ایئرپورٹس سے ریاض جانے والی آج کی 32 پروازیں منسوخ کردی گئیں، جبکہ اسلام آباد سے ریاض جانے والی پرواز پی کے 753 کو دمام اتار لیا گیا۔
سعودی حکام کے مطابق ریاض ایئرپورٹ کی بندش میں توسیع ریڈار اور کمیونیکیشن نظام کے جائزے کے لیے کی گئی ہے۔ دوسری جانب جدہ، مدینہ اور دمام کے فلائٹ آپریشن بھی متاثر ہوئے ہیں، جس کے باعث متعدد پروازیں منسوخ اور تاخیر کا شکار ہیں۔