گورنر خیبرپختونخوا فیصل کریم کنڈی نے صوبائی اپیکس کمیٹی کا اجلاس آج طلب کر لیا ہے، جس میں صوبے کی سیکیورٹی صورتحال اور حساس اضلاع میں امن و امان سے متعلق اہم امور پر غور کیا جائے گا۔
ذرائع کے مطابق اجلاس کی صدارت گورنر خیبرپختونخوا فیصل کریم کنڈی کریں گے جبکہ وفاقی وزیر داخلہ محسن نقوی کی شرکت بھی متوقع ہے۔ اجلاس میں اعلیٰ عسکری حکام سمیت متعلقہ حکام بھی شریک ہوں گے۔
ذرائع کا کہنا ہے کہ اجلاس میں خیبرپختونخوا کے 12 حساس اضلاع میں فوج کی تعیناتی اور اس حوالے سے ممکنہ اقدامات پر غور کیا جائے گا۔ صوبے میں امن و امان کی صورتحال کے تناظر میں اہم فیصلے متوقع ہیں۔