مریدکے میں افسوسناک واقعے کے دوران مبینہ طور پر ٹک ٹاک بنانے سے منع کرنے پر نوجوان نے اپنی 16 سالہ بہن زینب اور 18 سالہ بھابھی کو فائرنگ کرکے قتل کر دیا۔
پولیس کے مطابق واقعے میں ملوث ملزم عدنان نے دونوں خواتین کو ٹک ٹاک بنانے سے منع کیا تھا، جس کے بعد فائرنگ کا واقعہ پیش آیا۔ واقعے کا مقدمہ صدر پولیس نے ملزمان عدنان، لقمان اور سیف کے خلاف درج کر لیا ہے، جس میں مقتولہ زینب کے والد کو بھی نامزد کیا گیا ہے۔
پولیس کا کہنا ہے کہ واقعے میں نامزد ملزمان لقمان اور سیف کو گرفتار کر لیا گیا ہے، جبکہ مرکزی ملزم عدنان تاحال فرار ہے۔ پولیس نے مفرور ملزم کی گرفتاری کے لیے کارروائی شروع کر دی ہے۔