پشاور سمیت خیبرپختونخوا میں گورنر راج اور ایمرجنسی کے نفاذ کے بعد معمولات زندگی بحال ہونے لگے، اہم شاہراہوں پر ٹریفک رواں دواں اور بیشتر کاروباری مراکز کھل گئے، تاہم خیبر روڈ تاحال بند ہے۔
پشاور میں موبائل فون اور انٹرنیٹ سروس بحال ہوگئی، لیکن اسکول، کالجز اور جامعات آج بھی بند ہیں جبکہ بی آر ٹی سروس مسلسل دوسرے روز بھی معطل ہے۔
دوسری جانب میٹرک کے ضمنی امتحانات، پی سی بی کے کرکٹ ٹرائلز اور ٹیلنٹ ہنٹ اسکول ٹورنامنٹ بھی ملتوی کردیے گئے ہیں۔ حکام کے مطابق امتحانات کا نیا شیڈول بعد میں جاری کیا جائے گا۔