انٹرنیٹ صارفین کے لیے وائی فائی راؤٹر کو طویل عرصے تک ری اسٹارٹ نہ کرنا متعدد تکنیکی اور سیکیورٹی مسائل کا سبب بن سکتا ہے، جس سے انٹرنیٹ کی رفتار میں بھی کمی واقع ہوتی ہے۔
ماہرین کے مطابق کمپیوٹر کی طرح راؤٹر میں بھی عارضی کیش فائلز جمع ہوجاتی ہیں جنہیں صاف کرنے اور کارکردگی بہتر بنانے کے لیے اسے ماہانہ کم از کم ایک بار ری اسٹارٹ کرنا ضروری ہے۔
جدید راؤٹرز میں خودکار ری اسٹارٹ کی سہولت بھی موجود ہوتی ہے جبکہ پرانے ماڈلز کو مین سوئچ کے ذریعے دستی طور پر بھی بند کر کے آن کیا جاسکتا ہے۔