سندھ کابینہ نے وزیرِ اعلیٰ سندھ سید مراد علی شاہ کی زیرِ صدارت ہونے والے اجلاس میں میر رضا کیس کی جوڈیشل کمیشن کی رپورٹ کو منظرِ عام پر لانے کا فیصلہ کیا ہے، جو اجلاس کے دوران 7 مختلف لفافوں میں پیش کی گئی۔
کابینہ کے فیصلے کے مطابق اس رپورٹ کو آج ہی محکمۂ داخلہ کی ویب سائٹ پر جاری کردیا جائے گا۔
اس کے علاوہ وزیراعلیٰ سندھ نے رپورٹ کی ایک کاپی متاثرہ خاندان کو فراہم کرنے کی بھی ہدایت کی ہے۔
دوسری جانب میر رضا قتل کیس میں تفتیشی افسر تیسری مرتبہ بھی حتمی چالان پیش کرنے میں ناکام رہے ہیں۔
ترجمان کے مطابق اس رپورٹ پر عمل درآمد کے لیے ضیاء لنجار، ناصر حسین شاہ، سعید غنی اور ایڈووکیٹ جنرل پر مشتمل ایک ذیلی کمیٹی بھی قائم کر دی گئی ہے۔