خیبر پختونخوا میں ایمرجنسی کے نفاذ اور گورنر راج کے خلاف پاکستان تحریک انصاف کی درخواستوں پر پشاور ہائیکورٹ نے وفاقی حکومت، اٹارنی جنرل اور دیگر فریقین کو نوٹس جاری کرتے ہوئے سماعت 10 نومبر تک ملتوی کردی۔
جسٹس اعجاز انور اور جسٹس فہیم ولی پر مشتمل بینچ نے درخواستوں پر سماعت کی۔ پی ٹی آئی چیئرمین بیرسٹر گوہر علی خان نے مؤقف اختیار کیا کہ دہشت گردی کو جواز بنا کر صوبے میں ایمرجنسی اور گورنر راج نافذ کیا گیا جبکہ پارٹی کے ارکان اسمبلی کو ہراساں کرنے اور ان کے گھروں پر چھاپوں کا سلسلہ جاری ہے۔
پی ٹی آئی کے وکیل سلمان اکرم راجہ نے عدالت میں مؤقف اپنایا کہ ایمرجنسی اور گورنر راج کے لیے قانونی تقاضے پورے نہیں کیے گئے۔ انہوں نے صوبائی حکومت کی بحالی اور وزیر اعلیٰ سہیل آفریدی سمیت دیگر رہنماؤں کی بازیابی کی استدعا بھی کی۔
عدالت نے فریقین کو نوٹس جاری کرتے ہوئے مزید سماعت 10 نومبر تک ملتوی کردی، جبکہ عبوری ریلیف کی درخواست پر بھی غور کیا جائے گا۔