وزیر اعظم شہبازشریف کی زیر صدارت پشاور میں جاری اجلاس میں دہشتگردی کے مکمل خاتمے پر اتفاق اور مسلح افواج، پولیس اور عوام کی شہادتوں کو خراج عقیدت پیش کیا گیا۔
گورنر ہاؤس پشاور میں جاری اعلیٰ سطح کے اجلاس میں وزیراعظم نے کہا کہ آخری دہشتگرد کے خاتمے تک چین سے نہیں بیٹھیں گے، ہمارے جوانوں اور افسران کی قربانیاں رائیگاں نہیں جائیں گی۔
وزیراعظم نے شرکاء سے کہا کہ آپ کو صوبے کی پولیس، سیف سٹیز، سی ٹی ڈی کے لیے جو کچھ چاہیے وفاق دے گا۔
ذرائع کے مطابق وزیراعظم کی جانب سے دہشتگردی کے خلاف جنگ کے شہدا کی فیملیز کیلئے خصوصی پیکج کا اعلان بھی متوقع ہے۔
اجلاس میں محسن نقوی، اعظم نذیر تارڑ، عطا تارڑ، امیرمقام اور رانا ثناءاللہ، گورنر فیصل کریم کنڈی، چیف سیکرٹری، آئی جی اور کورکمانڈر پشاور بھی شریک ہیں۔