ڈیموکریٹ سینیٹر چک شومر نے سینیٹ میں ڈیموکریٹس کی اکثریت حاصل ہونے پر خوشی کا اظہار کرتے ہوئے امریکی عوام کا شکریہ ادا کیا ہے اور کہا ہے کہ تمام تر ناموافق حالات کے باوجود ان کی پارٹی نے سینیٹ کا معرکہ جیت لیا ہے۔
انہوں نے کہا کہ امریکی عوام نے تبدیلی کے لیے ووٹ دیا ہے اور اب ڈیموکریٹس کی پوری توجہ امریکی خاندانوں، ان کی تکالیف اور ضروریات کو پورا کرنے پر ہوگی۔
چک شومر نے ڈونلڈ ٹرمپ پر شدید تنقید کرتے ہوئے انہیں اب تک کا بدترین صدر اور ان کی انتظامیہ کو امریکی تاریخ کی سب سے کرپٹ ترین انتظامیہ قرار دیا۔
ان کا کہنا تھا کہ ریپبلکنز ٹرمپ کے پیچھے چلتے ہوئے کھائی میں جا گرے ہیں اور ٹرمپ کی پالیسیوں کی وجہ سے بجلی، صحت کی سہولیات کے مسائل اور مہنگائی میں اضافہ ہوا ہے۔
انہوں نے مزید کہا کہ سینیٹ میں آنے والی یہ تبدیلی امریکا کو بدل دے گی اور امید ظاہر کی کہ ریپبلکنز اس شکست سے سبق سیکھیں گے اور امریکی عوام کی آواز سنیں گے۔