ایران کے معروف دینی عالم آیت اللہ وحید خراسانی 108 سال کی عمر میں انتقال کرگئے ہیں۔
ایرانی ذرائع ابلاغ نے ان کے دفتر سے جاری ہونے والے ایک سرکاری بیان کے حوالے سے اس خبر کی تصدیق کی ہے، جس میں بتایا گیا ہے کہ مرحوم کی نمازِ جنازہ، تدفین اور تعزیتی مجالس کے شیڈول کا اعلان آئندہ کیا جائے گا۔
رپورٹس کے مطابق آیت اللہ وحید خراسانی نے اپنی ابتدائی دینی تعلیم مشہد سے حاصل کی تھی اور ان کی زندگی کا بیشتر حصہ دینی علوم کی تحصیل، تحقیق اور تدریس میں گزرا۔ وہ 2018 تک باقاعدگی سے تدریس کے فرائض انجام دیتے رہے، تاہم علالت کے سبب بعد ازاں انہیں تدریسی سلسلہ موقوف کرنا پڑا۔