وزیراعظم شہباز شریف نے رتھوعہ ہریام پل کا افتتاح کردیا

image

وزیراعظم محمد شہباز شریف نے آزاد جموں و کشمیر کے دورے کے دوران نو تعمیر شدہ رتھوعہ ہریام (Rathoa Haryam) پل کا افتتاح کردیا۔ وزیراعظم نے پل کی تختی کی نقاب کشائی کی۔

تقریب میں پاکستان مسلم لیگ (ن) کے صدر میاں محمد نواز شریف، صدر آزاد جموں و کشمیر ڈاکٹر محمد نجیب نقی اور وزیراعظم آزاد جموں و کشمیر سید افتخار علی گیلانی سمیت دیگر شخصیات نے شرکت کی۔

اس موقع پر وزیراعظم شہباز شریف نے کہا کہ رتھوعہ ہریام پل کی تکمیل آزاد جموں و کشمیر میں ترقی اور خوشحالی کے لیے ایک اہم سنگ میل ہے۔ پل کی تعمیر سے میرپور اور گردونواح کے علاقوں کے درمیان آمدورفت میں نمایاں آسانی پیدا ہوگی۔

وزیراعظم نے کہا کہ منصوبے کی تکمیل سے مقامی آبادی کو سفری سہولیات میسر آئیں گی جبکہ علاقے میں تجارتی اور معاشی سرگرمیوں کو بھی فروغ ملے گا۔

انہوں نے کہا کہ وفاقی حکومت آزاد جموں و کشمیر کی ترقی، خوشحالی اور عوام کو بہتر سہولیات کی فراہمی کے لیے پرعزم ہے اور خطے کی تعمیر و ترقی کے لیے اپنا کردار جاری رکھے گی۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US