بھارت کی غلط فہمی ہے کہ وہ کشمیریوں کے حق خودارادیت کو کچل سکتا ہے : وزیرخارجہ شاہ محمود قریشی

وزیر خارجہ شاہ محمود قریشی نے کہا ہے کہ انہوں نے اقوام متحدہ کی سلامتی کونسل کو ایک خط لکھا ہے جس میں کشمیرکی خصوصی حیثیت تبدیل کرنے کے بھارت کے غیر قانونی اقدام پر غور کیلئے خصوصی اجلاس بلانے کا کہا ہے۔

ایک وڈیو پیغام میں انہوں نے کہا کہ اقوام متحدہ میں پاکستان کی مستقل مندوب ملیحہ لودھی کے ذریعے یہ خط بھیجا گیا ہے۔

انہوں نے کہا کہ پاکستان سمجھتا ہے کہ بھارت کے اقدامات نے علاقائی اور عالمی امن داؤ پر لگا دیا ہے۔

انہوں نے کہا کہ یہ بھارت کی غلط فہمی ہے کہ وہ کشمیریوں کے حق خودارادیت کو کچل سکتا ہے ۔

شاہ محمود قریشی نے کہا کہ اگر مقبوضہ جموں کشمیر میں دہائیوں سے تعینات 7 لاکھ بھارتی فوجی کشمیریوں کی جدوجہدآزادی کو دبا نہیں سکیں توایک لاکھ80 ہزار مزید فوجی بھی ناکام ہوں گے۔

شاہ محمود قریشی نے کہا کہ انہوں نے خط میں یہ بھی لکھا ہے کہ بھارت مقبوضہ کشمیر میں ایک اور قتل عام کی منصوبہ بندی کر رہا ہے اور اگر بھارت سمجھتا ہے کہ پاکستانی اور کشمیری عوام یہ خاموشی سے برداشت کر لیں گے تو یہ اس کی بڑی غلطی ہو گی۔

انہوں نے گہری تشویش ظاہر کرتے ہوئے کہا کہ بھارت مقبوضہ کشمیر کی صورتحال سے عالمی توجہ ہٹانے کیلئے پلواما جیسے واقعہ کا کوئی اور ڈرامہ رچا سکتا ہے۔ وزیر خارجہ نے کہا کہ اگر بھارت نے کوئی مہم جوئی کی تو پاکستان مادر وطن کے دفاع کیلئے ہر حد تک جائے گا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.